Hargeysa – (warsoor) – Madaxweynaha Jamhuuriyadda Somaliland Md. Axmed Maxamed Siilaanyo ayaa maanta shacbiga Somaliland iyo ciidamada kala duwan ee dalka kala qayb-galay xuska 18 May ee munaasibadda 25-aad ee Gooni isku taaga Somaliland.
Xuskan oo ay si weyn uga soo qayb-galeen dadweynaha Somaliland iyo ciidamada Qalabka sidda ee Somaliland ayaa socda gaado-ka ciyaar ah gaadho ka ciyaar ah ah ku maray xarunta madaxtooyadda horteeda.
Ka hor inta aanay ciidamada Qalabka sidda iyo dadweyne kala duwan oo si qurux bada u soo diyaar-garoobay xuska 18 May aanay socod ku marin madaxtooyadda hortiisa waxa uu jeediyey qudbad uu kaga hadlay muhiimadda ay qaranka Somaliland u leedahay xuska maalinta 18 May, waxaanu madaxweynuhu hambalyo iyo salaam u diray dhamaan ciidamada qaranka Somaliland iyo shacbigiisaba.
Xuskan Waxaa si weyn uga soo qayb-galay ciidamadda milatariga, ciidamada Booliska, Ciidamada la dagaalanka Argagixisadda, ciidamadda badda, ciidamada dab-damis, ciidamada Asluubta oo ku gaashaaman hubkooda.
