Hargaysa – (warsoor) – Ciyaartoydii Xulka Gobolka Xaysimo oo ku sugan magaalada hargaysa Ayaa cabasho ka muujiyay Cadaalad daro ay kula kacday Wasaaarada Ciyaaraha Somaliland Kuna aadan Tartankii Maalintii shalay kusoo dhamaaday Magaalada Hargaysa.
Tababaraha Kooxda Xulka Kubada cagta ee Xaysimo Maxamed Faandhe oo u Waramay Shabakada Wararka ee Laascaanood.com ayaa Noo sheegay inay Jiraan Cadaalad daro ay ka Tirsanayaan Tartankaasi ay ka qayb galeen waxaana uu carabaabay inaanay Xulkoodu helin Abaal Marino Kala duwan oo ay ku guulaysteen Kuwaasi oo ay ka mid yihiin Ciyaar yahankii Ugu Goolasha Badnaa Tartankaasi Kaasi oo Ku Hogaaminayay 4 Gool oo uu Dhaliyay oo 3 Mid ahi uu Dhaliyay hal Ciyaar Taasi oo aan hore uga dhicin Tartanka Ciyaaraha Gobolada Somaliland Waxaana uu Yidhi Isagoo Arimahaasi Ka hadlaya.
“Ciyaaraha Somaliland Waxaa u yaala Ciyaaryahanka ugu Goolasha Badan in la Gudoonsiiyo Abaal marino kala duwan oo Yididiilo Gelinaysa Ciyaaryahanka Sida Gaadiid Nooc kasta uu ahaadoba Waana mid hore u dhacday waxaana aaan ka xusaynaa Koobkii 2011kii oo uu ku guulaystay Ciyaaryahan u ciyaarayay Xulka gobolka Maroodijeex ee Gofindhe.
Sidoo kale Koobkii u danbeeyey ee 2013kii Ayaa ay sadex ciyaaryahan isku kaalin galeen Goolal badnaanta waxaana loo kala qaybiyay Gaadhigii Abaalmarinta loo siiyay.
Hadaba sanadkan 2016 waxaa ku guulaystay Kaalmahaasi Goolal badnaanta Ciyaaryahan kasocday Xulka gobolka Xaysimo kaasi oo aan ilaa hada la siin Abaal marintii uu Xaqa u lahaa Waxaana aanu taasi u aragnaa Eex iyo Cadaalad daro Toos ah oo gabasho lahayn oo lagula kacay Ciyaaryahankaasi Maadaama uu kasoo jeedo Gobolka Xaysimo Balse hadii uu kasoo jeedi lahaa Gobolada Kale in sida ugu dhaqsaha badan uu u heli lahaa Abaal marintaasi loona siin lahaa.
Waxaanu leenahay maadaama uu gobolka Xaysimo yahay Kii ugu danbeeyey ee Somaliland La magcaabo isla markaana Wacdaro ka muujiyay Tartankaasi kana soo gudbay wareegi hore ee Lagu Qabtay Magaalada Burco Kuna Guulaystay Gool Dhalinta Sidoo kalena u hogaansamay Xeerkii Wasaarada ee lagaga Reebay iyagoo la dhibca ahaa Labadii gobo lee Finalka isugu Yimi ee Awdal iyo Xaysimo oo Kala Lahaa (Awdal=6 dhibcood)(Saaxil=6 dhibcood)(Xaysimo=6 dhibcood Iyo 5 Gool) misana Abaal Marintii ay xaqa u lahaayeen la siin waayo waxaanu u aragnaa Waa niyad Jebin Waanuna Ka fiirsan Doonaa kasoo Qayb Gelista Tartanka Ciyaaraha ee Somaliland wixii manta ka danbeeya.
Xigasho: Shabakadda Wararka Laascaanod