Muqdisho – (warsoor) – Xeer ilaaliyaha guud ee Qaranka Soomaaliya Dr. Axmed Cali Daahir, ayaa sheegay inay Dowladda Hindiya ay kala hadleen sidii dhallinyarada Soomaaliyeed ee ku xidhan dalkaasi loogu soo celin lahaa Soomaaliya si loogu Maxkamadeeyo.
Dr. Axmed Cali ayaa sheegay inay da’yartani xaq u leeyihiin in maxkamad lagu saaro dalkooda hooyo, balse ayan dowladda Hindiya xaq u lahayn iney ka gaadho go’aan kama dambays ah dembiyada loo haysto.
Hadalka Xeer ilaaliyaha guud ee Soomaaliya, ayaa ku soo beegmay xilli ay dhowaan soo baxeen warar sheegaya in 50 Dhallin yaro Soomaaliyeed ah oo ku jira jeelasha Hindiya lagu xukumayo dil, markii ay xukuumadda New Delhi ku eedeeysay Burcad badeednimo.
Xigasho:
SONNA