Hargeysa – (warsoor) – Madaxweynaha Somaliland ayaa maanta xeer madaxweyne ku shaaciyey xiliga ay qabsoomi doonto diwaan-gelinta codbixiyayaasha muwaadiniinta Somaliland.
Halka hoose ka akhriso ku dhawaaqista xeerka.
XEER MADAXWEYNE: 04 /11/2020
Madaxweynaha Jamhuuriyadda Somaliland, Mudane Muuse Biixi Cabdi waxa uu xeer madaxweyne oo summadeedu tahay JSL/XM/XM/249-574/112020, uu ku dhaqan-geliyey maalinta la bilaabayo Diiwaan-gelinta Cod-bixiyayaasha Doorashooyinka.
Waxaanu u dhignayd Xeerka Madaxweynuhu Sidan:-
Xeer Madaxweyne Lr. 09/112020
Diiwaan-gelinta Cod-bixiyayaasha
Markaan Arkay: Qodobka 90aad ee Dastuurka Jamhuuriyadda Somaliland;
Markaan Arkay: Qodobka 44aad ee Xeerka Guud ee Doorashooyinka iyo Diiwaangelinta Cod-bixiyayaasha Xeer Lr. 91/2020;
Markaan Tix-geliyey: Qoraalka Komishanka Doorashooyinka Qaranka ee summaddiisu tahay KDQ/XK/076/2020, kuna taariikhaysan 28/10/2020;
Markaan Dersay: Soo-jeedinta Komishanka Doorashooyinka Qaranka ee Wakhtiga Qabashada Diiwaan-gelinta Cod-bixiyayaasha;
Waxaan Go’aamiyey;
In Diiwaan-gelinta Cod-bixiyayaasha Doorashooyinku ka bilaabanto Jamhuuriyadda Somaliland Maalinta Axadda ee taariikhdu tahay 29/11/2020.
ALLAA MAHAD LEH
Muuse Biixi Cabdi
Madaxweynaha JSL.
![](https://i0.wp.com/www.warsoor.net/wp-content/uploads/2020/11/FB_IMG_1604510925051.jpg?resize=348%2C450&ssl=1)