RUUSHKA – (WARSOOR) – Dad cadhaysan ayaa xoog ku galay garoonka gobolka Dagestan ee dalka Ruushka halkaasoo ay ka soo degayeen rakaab ka yimid Israa’iil.
Dadka deegaanka magaalada Makhachkala ee uu madaarku ku yaallo ayaa markii danbe isku xeeray huteel la sheegay inay ku jiran dad yuhuud ah oo la sheegay inay magaalada soo galeen.
Rakaabka ayaa ku qasbanaaday inay gabaad ka dhigtaan diyaaradda ama ay ku sii dhex jiraan Madaarka iyaga oo ka cabsi qaba in la soo weeraro.
Gobolka Dagestan ayaa ku yaalla koonfurta dalka Ruushka waxaanu xad la leeyahay dalka Georgia.
